武士拉麵 (已結業)

約左一班朋友係尖沙咀happy hour，朋友見早放就約我去隔離條韓國街食個拉麵打個底先再飲野。間拉麵店係條韓國街既盡頭位，門口都幾細下，唔係朋友帶去，都幾容易搵唔到。好彩早放，間鋪頭仲有位。原來間店除左門口好細，入面都好細下，好似得7，8個位。一字排開甘坐。每個人都有足夠既位，唔會同隔離個個人好近。拉麵都有幾個湯底可以揀，之後可以自選湯底既濃淡、麵條既粗幼同埋個麵質既軟硬。方便每個人唔同既口味。店員會推介重口味人可以揀醬油同黑蒜油。朋友同我都比較重口味，所以揀左醬油同黑蒜油豬骨湯底。之後，再share左隻溏心蛋（$10)。個人比較重口味，鍾意黑蒜油多d，夠濃味。呢到既麵同其他拉麵店有d唔同，比較特別。叉燒係薄既肥瘦叉，d肉好嫩，加上層肥肉，夠油分，好好味。唔會好似瘦叉甘好乾。不過，就只得2塊，比較少。好彩加左隻溏心蛋，隻蛋好甜，蛋黃好流心，正，所以一定要加。個拉麵睇落好似幾細蜿甘，但原來食落都有幾多拉麵下，相比上黎d料就比較少左d，要自己加料。整體黎講，都算係不錯既拉麵。