小王牛肉麵 (已結業)

有時行開沙田都會同朋友一齊食「小王」。每次去都要排隊，呢間店係沙田都算少數食台式麵食仲咁多人排隊既店。亦可以證明佢真係好食啦。雖然佢出名嘅係牛肉麵，不過食完覺得麻麻，主要因為湯底有「八角」，牛肉就還好，唔算太特別。本人反而幾推介「鹽酥雞排肉燥飯」。正確黎講係當中嘅鹽酥雞排。鹽酥雞排真係整得好有水準！粉漿唔會太多，而係薄薄一層。而且炸到金黃色。食落juicy多汁又香脆。仲要更勁一塊，對於鐘意食鹽酥雞嘅我而言，呢間真係世界級。至於肉燥就一般啦，飯亦有點乾。完全係衝住件鹽酥雞排而黎。終於食鹽酥雞嘅朋友唔好錯過啦！