麗香園冰室 (興華廣場)

營業中

休息中

今晚吃辣的心又起了，去到附近嘅餐廳叫左個口水雞，再加多杯凍檸茶，我覺得呢個係絕配，食辣嘢我多數都會叫凍檸茶㗎喇。呢度啲凍檸茶都會落成三四片檸檬，係好正宗，同足料嘅凍檸茶。今日的雞唔夠平時嫩口，有少少鞋。佢平時啲雞都係比較嫩嘅，但係相對骨就會多啲，不過就唔會唔夠飽因為都幾大份。 另外佢個口水雞嘅辣汁真係教得好好，我覺得正宗得泥又唔會太辣。我好鍾意上面嗰啲好似豆瓣醬咁嘅嘢，有時啲餐廳慳皮起上嚟真係會淨係落辣油就算，呢間就唔會的，啲醬總係好夠料。