尚點 小籠包.上海麵館 (置富第一城) (已結業)

麥兜係我既童年回憶～細細個時就已經覺得佢好搞笑好可愛今日食呢個麥兜流沙包，奶黃流沙做得好好味，甜度適中又有蛋黃香。麥兜公仔都印得幾精美，可惜上桌時有個包凹左。雞排刈包有少少乾，如果多啲醬汁會比較好。雞排炸得香口，中間夾左生菜減低油膩感。糖醋魚粉漿偏厚，配左菠蘿、合桃、青椒，酸酸甜甜。小籠包令人失望，上到黎有一個係穿既，同埋包入面無咩湯汁上海排骨粗炒麵質幾好，麵條有少少彈牙，係我鐘意既質感。排骨就炒到炸皮同肉分離左。醬汁調味幫呢味菜挽回左少少分數。整體黎講還可以。