麥田廚房 (已結業)

同朋友喺銅鑼灣食飯，今日就揀咗喺酒店嘅餐廳度食，但係佢唔似同酒店直接有關係，不過就係酒店樓層嘅。環境幾有特色，燈光較為浪漫，仲有啲熊仔做主題。餐牌選擇都幾多，我哋就樣樣都試吓啦。上海派招牌羅宋湯羅宋湯喺呢度價錢不算便宜，但係裏面材料十足，除咗多款不同特色的蔬菜之外仲有啲肉，飲落去就唔會咁悶。味道好濃郁，而且香味十足酸酸地，同出面一般罐頭嗰啲好唔同。傳統迷你蝦多士細細件嘅蝦多士，同埋當時兩樣野係混合埋一齊，變相食個多士裏面係實係有啲蝦肉，香脆之餘又好爽口。外皮真係好金黃好靚！招牌烤羊架都係推介之一，個羊七成熟，剛剛好，口感鬆軟，口味唔錯，So味唔太重，裏邊有充足嘅水份。旁邊亦都有啲沙律菜所以整體都幾清新健康。流心芝士牛肉漢堡朋友鍾意食牛肉漢堡，就一於試吓芝士牛肉漢堡，流心芝士味道濃郁芬香，而且牛肉大大嚿鹹香十足，麵包皮亦都保持香脆和鬆軟，裏面還有酸瓜番茄等配料令味道生色不少。旁邊亦有一些薯角熱辣辣又香脆，鍾意食煎炸熱氣野嘅人不能錯過！餐牌 FOR REFERENCE!