四喜麵包西餅 (已結業)

四喜餅店一向都有唔少名物，例如生朱古力、菠蘿皮麻糬波波、月餅、蛋批等等，就算係普通麵包都有唔錯嘅水準👍🏻前排好興千層吐司，但咁耐以嚟我都未試過，咁就將第一次獻比四喜喇🤣朝早10:30啱啱出爐，攞上手真係超熱，店員都提我唔好即刻捻實個袋🙈雖然唔可以好分明咁一層層撕開，但每層都搽足牛油，而且麵團都碌得幾薄，有啲似牛角包酥皮🥐不過個人嚟講就鍾意厚多少少咬口，如果減3層不過每層厚啲嘅話，應該就啱啱好😛因為啱啱焗起，所以最外面嗰層超級脆，雖然摸到有唔少油，但食落完全唔會油膩，好似將好多塊壓扁咗嘅牛油多士疊埋一齊😆而家好多普通方包都要廿幾蚊，$29(如果冇記錯)買到個咁花心機嘅麵包都算試得過😙另外仲買咗洋蔥三文魚蛋批($28)，批底好夠薄，唔會覺得食緊一大疊酥皮，不過可能有蛋喺表面，所以點都會淋身咗啲，焗返熱應該會更好味🤓內餡用咗煙三文魚，有少少鹹香，洋蔥落得好足，雖然唔覺炒香咗或者有焦糖化，但口感都好唔錯，留有少少爽脆感😋雞蛋唔係超級滑，但絕對唔會老，以呢個價錢嚟講好唔錯，好啱做brunch同輕食午餐😜