影片
更多
2019-12-27
1448 瀏覽
香港如此動盪點訓得著，都係食左先講啦！訓唔著點算好？除左食都係食！黑豚五花腩片韓式特辣雞汁醬撈魚蓉麵， 雖然辣汁極限地辣，不過一閃即逝！炸一聲辣到上腦，跟隨著甜味泛濫，將辣味完全驅走！魚蓉粗麵滑滑微彈，啜啜啜填充嘴仔脹卜卜，夾著韌韌但甜美的腩片享用，味道昇華更精彩。小紅腸辣咸蛋黃醬撈金方蝦子麵，重口味撈麵系列！蝦子麵本身有濃郁蝦子咸鮮甘香，咸蛋黃醬味濃帶香辣！小紅腸煙燻味突出肉甜滴汁，極纖幼的麵條，極似麥奀記的銀絲麵，爽爽彈彈掛汁力特強！麻婆豆腐撈鮑魚瑤柱蝦子麵，煮個撈麵大陣象！醃好新鮮免治豬肉備用，百福滑豆腐滾水加鹽浸備用，烚好瑤柱蝦子麵底，一切準備就緒！蒜蓉薑蓉炒肉鬆撈雞湯及成都麻辣醬油，加入滑豆腐溫柔拌勻，最後全部倒在蝦子麵上，完成！爽彈纖幼麵條充滿蝦子甘香，夾著香口肉碎連麻辣汁不停啜入，美味刺激無比！熱烘烘震騰騰的嫩豆腐味道無與倫比。頂級色香味滑豆腐當然非日本絹豆腐莫屬，由於時間關係未能到一田入貨，唯有用百福滑豆腐頂住先。滑蛋雞扒撈牛肉汁蝦子麵，親子撈牛肉汁蝦子麵！ 雞扒都係要醃過夜才夠嫩滑入味，近幾次都係即場啤水解凍再醃一小時，堅係特別乾硬鞋呢！跟正常室溫自然解凍差天共地，應
黑豚五花腩片韓式特辣雞汁醬撈魚蓉麵， 雖然辣汁極限地辣，不過一閃即逝！炸一聲辣到上腦，跟隨著甜味泛濫，將辣味完全驅走！魚蓉粗麵滑滑微彈，啜啜啜填充嘴仔脹卜卜，夾著韌韌但甜美的腩片享用，味道昇華更精彩。
小紅腸辣咸蛋黃醬撈金方蝦子麵，重口味撈麵系列！蝦子麵本身有濃郁蝦子咸鮮甘香，咸蛋黃醬味濃帶香辣！小紅腸煙燻味突出肉甜滴汁，極纖幼的麵條，極似麥奀記的銀絲麵，爽爽彈彈掛汁力特強！
麻婆豆腐撈鮑魚瑤柱蝦子麵，煮個撈麵大陣象！醃好新鮮免治豬肉備用，百福滑豆腐滾水加鹽浸備用，烚好瑤柱蝦子麵底，一切準備就緒！蒜蓉薑蓉炒肉鬆撈雞湯及成都麻辣醬油，加入滑豆腐溫柔拌勻，最後全部倒在蝦子麵上，完成！爽彈纖幼麵條充滿蝦子甘香，夾著香口肉碎連麻辣汁不停啜入，美味刺激無比！熱烘烘震騰騰的嫩豆腐味道無與倫比。頂級色香味滑豆腐當然非日本絹豆腐莫屬，由於時間關係未能到一田入貨，唯有用百福滑豆腐頂住先。
滑蛋雞扒撈牛肉汁蝦子麵，親子撈牛肉汁蝦子麵！ 雞扒都係要醃過夜才夠嫩滑入味，近幾次都係即場啤水解凍再醃一小時，堅係特別乾硬鞋呢！跟正常室溫自然解凍差天共地，應該唔係我烹調失手。滑蛋滴汁掛在蝦子麵上，蝦子味出眾還有牛肉味的回香，不用湯不用汁已十分滿意！乾爽彈牙陣陣蛋甜幽香，兩隻蛋唔夠撈麵，最少要多兩隻就差唔多，陰功。
雞中翼酸辣汁撈黑松露麵，落得太多水陰功豬！酸辣汁變成酸辣湯，我應該真係有點攰！人有錯手，馬有失蹄。好采黑松露粗麵掛湯力也不弱，而且酸辣汁夠黏性緊緊附在麵條上，隨著微爽微彈黑松露麵條同步消失，酸酸辣辣極具個性。肥美飽滿脹卜卜的雞中翼，只要耐心地烹煮，看準時機上碟使得雞皮爆油黏滑甘甜，白肉滴著肉汁，純天然可口雞肉味。
香煎可可牧場西冷牛扒配牛油蒜蓉黑椒汁撈牛肝菌麵，預早一晚冰格取出解凍，煎前略醃半小時，適量黑椒及海鹽好足夠喇！年初係美國購入坑紋鑄鐵鍋，八個多月終於有機會開光！首次使用感覺非常良好舒服。準備 30 分鐘、製作 20 分鐘、處理 10 分鐘，搭到正 00:00 晚餐完全消滅，半條麵都無剩濕濕碎啦！
煎好兩面及圍邊封住肉汁，再主攻脂肪位使其金黃脆身帶焦香，最後兩面烙出美麗條紋，完美出貨！用錫紙捲著，讓她回收血水及保溫，等待麵底上碟一刻才取出。煎好西冷開始調個蒜蓉牛油黑椒汁。雞湯底、半個蒜頭、黑椒碎大量、牛油三湯匙，試試味道黑椒辛辣夠濃，牛油味飄香，放係一旁備用。
烚好牛肝菌麵，準備就緒！將所有食材拼合一齊，倒下蒜蓉牛油黑椒汁，立即開動，餓死朕喇！為何牛肝菌粗麵短短的，最憎不能長啜長有一氣呵成，本來兩啖就可以啜晒，變成六啖要夾六次先完成，疾住疾住極討厭！麵條散發微弱菌類氣味，極為滑溜！西冷扒淡淡然清新的牛肉味，食得到輕輕牛甜味海鹽黑椒提味不少！剛剛 5 成熟，外香內嫩，跟麵條齊齊塞入口更添層次及情趣。
茄汁沙甸魚撈牛肉汁蝦子麵，有沙甸魚味既茄汁跟蝦子麵完全唔夾呢！都話要早少少訓，夜媽媽坐坐下又肚餓。蝦子麵纖幼奇爽，撈埋濕濕魚味茄汁仍難掩其香口蝦子味。
五香肉丁炒牛肉汁蝦子麵，御田牌醬油煮角切豚肉？日式五香肉丁。高質鬆化，瘦肉粒，五香味清爽，芳香微辣，粒粒正立方大細平均，日本產品一絲不苟。幼幼彈彈麵條捲著肉丁係中間，齊齊大大啖塞得嘴仔脹卜卜，乾爽惹味！如果有碗皮蛋瘦肉或燒豬骨粥就更錦上添花。
日本蟹柳雞中翼辣椒仔汁撈黑松露麵，蟹棒太易散晒幸好清甜軟滑，原味雞中翼飽滿肥美，鳳脂甘香，肉汁噴射。最方便當然係白滾水淥成既湯底，味道已足夠香甜。濕潤勁滑的粗麵，吸水力特強，所以要加多一點水煲煮，陣陣松露味拼埋酸辣汁也蠻可口。
回鍋肉炒松茸全蛋麵，加點海鹽及指天椒兜炒更香口惹味 ﹗耐心地炒到乾身微微脆口，熱烘烘上碟。金御膳回鍋肉佔三份二都係竹筍，我想食肉肉肉肉，唔係筍筍筍呀﹗不過真係非常爽嫩清甜，回甘回味，味道香辣清新無梅林牌般油膩。
菠蘿咖哩加拿大紅虎蝦撈魚蓉麵，早前試過咖哩湯唔好食，比多次機會煮咖哩汁撈麵。依隻咖哩粉堅難食，味道陰沉混濁，浪費我既生猛虎蝦。只能頂住食幾啖麵幾隻蝦，其他全部垃圾桶﹗咖哩粉本身味道陰沉不香不辣，嘗試加入菠蘿、香葉、乾辣椒，希望添味提鮮，最後勾個粟粉芡就完成。誰知苦澀味濃烈，所有虎蝦及魚蓉麵都被污染，無一幸免啊﹗是否因為粟粉太多呢？
五色刺身冷松茸全蛋麵配山葵鰹魚醬油，刺身一田出品 $200 蚊拼盤物超所值，高質無投訴。正正經經食碗熱湯蝦子麵唔得既，係要山長水遠買刺身返屋企，再搞多多功夫，花多時間。煮好麵即刻冰水侍候，洗到完全降溫冰冷就可以享用喇。五光十色閃令令，吞拿魚腩、鱆魟魚、三文魚、池魚、赤貝。鰹魚汁只得山葵有點寡，沒有蔥沒有薑沒有蘿蔔蓉添加香氣鮮氣，味道欠缺生命力。
用冰水洗乾淨的松茸麵特別爽脆，不過松茸味及雞蛋味都同樣洗去。讓麵條夾著吞拿魚腩品嚐，超乎想象的頂級油潤甜到漏。爽爽貝肉鮮味強烈，回甘味久久不散。食到尾聲時，最底貼實金屬網的麵條，硬係有點微弱的金屬味道，是否心理作用？似乎用竹蓆載冷麵才最適合。
生拆陽澄湖大閘蟹撈蠔油炒吉品鮑魚蝦子麵，多謝麥小姐厚愛，賜我大閘蟹返屋企威！話時話點解買蟹送媽巾呢？怕隻蟹流血還是怕凍呢？既然有塊埋，蒸既時候都用黎墊一墊啦。巨蟹堅大隻啊﹗眼測有五六兩，認真聚手，而且發現陽澄湖蟹腳毛特別粗特別長架。
戰鬥一大輪，再一大輪功夫，蒸蟹放涼拆蟹粉、烚麵炒麵，終於有得食喇 ﹗肉甜膏甘野蠻霸道，不過讓麵捲住食的話，蟹味會被完全掩蓋啊。太心急太肚餓等唔切，鑊未夠紅就落鑊，麵未夠熱就上碟，毫無鑊氣。食落暖暖地甜甜地，微弱鮑味蝦子甘，蠔油味頗強，爽爽彈彈有蟹肉點綴，也是不錯的配搭。
白巴馬火腿香煎帶子蛋黃蘑菇卡邦尼松茸全蛋麵，完全錯誤的示範 ﹗全蛋麵極易腍，不滑不彈，散碎一劈劈。白巴馬火腿太咸，罐頭蘑菇撞松茸味道怪怪的，芝士落太多，羶味太嗆受不了﹗頂硬上都只係食到幾啖，全部垃圾桶。
牛頸脊蠔汁炒金方蝦子麵，食個麵仔大陣象，技癢搞搞新意思 ﹗發好蝦子麵備用，爆香牛頸脊混入蝦子麵兜炒，讓麵條吸收牛肉汁，再讓蠔汁滲入麵條，見到收乾水起得﹗醃過夜的牛頸脊格外鬆軟綿滑，牛肉味濃而香甜，大大啖麵夾著牛肉同吃高級享受，加埋英記辣椒油更刺激更美味超然。
日本榨菜肉絲撈金方蝦子麵，原來日本榨菜係綠色架 ﹗軟腍腍而且味道清新有菜味，散發淡淡咸香，唔似得廣東勁咸而脆卜卜。濕潤陣陣咸香的汁液夾雜軟軟的肉絲，還有腍腍榨菜掛在幼幼蝦子麵上，大啖塞大啖塞﹗有齊所有食材齊齊趙，真心好食的，只是欠鑊氣呢﹗
法蘭克福腸 Mozzarellas 芝士撈黑松露麵，法蘭克福腸烚到過火自爆，腸汁流失陰功豬 ﹗幸好還有一絲肉甜及脆卜卜的腸衣。所有迷底終於解開喇﹗早前芝士卡邦尼撈麵完全失敗，難食到要全部掉進垃圾桶，原因出係芝士﹗用錯 Mozzarellas 芝士咯，雖然軟芝士口感綿滑幼細，不過味道偏羶，多用會非常濃烈吃不消 ﹗這碟加入四塊，我都有點頂唔緊，頭幾啖配黑松露麵爽滑味濃好好食架。
日本半熟蛋三文魚子帶子刺身加拿大海膽刺身拌冷番茄麵配山葵昆布鰹魚醬油，期待多時的海膽冷麵終於都食到喇﹗刺身冷麵工序已不算繁複，鎮好麵條，鋪上刺身，調好醬汁，起動﹗姨丈到鬧情緒，要食好多好多野減壓！天寒地凍造個冷麵降降溫冷靜一下。依個畫面熟口熟面既？洋紫荊黎喎，香港人加油！
高成本製作，日本半熟蛋、帶子刺身、三文魚子、加拿大海膽刺身、番茄麵，多謝 $320 蚊。烚好半熟蛋連剝殼 6 分鐘多，烚麵浸冰水洗淨 10 分鐘，續款食材設置擺位 10 分鐘，準備時間足足 30 分鐘，但消滅就不用 8 分鐘處理。顏色超級鮮艷奪魄勾魂，靚到不得了﹗食慾大爭，睇得見的美味，聞到的鮮味﹗
先來蛋漿撈麵，配帶子微爽綿滑超甜，配海膽濕潤嫩滑激甜，麵條冰凍淋上冷麵汁，勁爽還夾雜少許脆口。麵味特濃，茄味濃縮得甜甜滋味，只有一絲茄酸香味，受過冰水洗禮質地激爽。三文魚子脆脆爆開咸鮮野蠻美味，搭著任何食材都府首稱臣。完全消滅殆盡，半粒魚子半滴蛋汁都無剩﹗
麻婆豆腐撈鮑魚瑤柱蝦子麵
32 瀏覽
0 讚好
0 留言
麻婆豆腐撈鮑魚瑤柱蝦子麵
34 瀏覽
0 讚好
0 留言
香煎可可牧場西冷牛扒配牛油蒜蓉黑椒汁撈牛肝菌麵
22 瀏覽
0 讚好
0 留言
香煎可可牧場西冷牛扒配牛油蒜蓉黑椒汁撈牛肝菌麵
18 瀏覽
0 讚好
0 留言
香煎可可牧場西冷牛扒配牛油蒜蓉黑椒汁撈牛肝菌麵
33 瀏覽
0 讚好
0 留言
茄汁沙甸魚撈牛肉汁蝦子麵
47 瀏覽
0 讚好
0 留言
茄汁沙甸魚撈牛肉汁蝦子麵
31 瀏覽
0 讚好
0 留言
五香肉丁炒牛肉汁蝦子麵
28 瀏覽
0 讚好
0 留言
日本蟹柳雞中翼辣椒仔汁撈黑松露麵
48 瀏覽
0 讚好
0 留言
日本蟹柳雞中翼辣椒仔汁撈黑松露麵
14 瀏覽
0 讚好
0 留言
五色刺身冷松茸全蛋麵配山葵鰹魚醬油
9 瀏覽
0 讚好
0 留言
五色刺身冷松茸全蛋麵配山葵鰹魚醬油
11 瀏覽
0 讚好
0 留言
五色刺身冷松茸全蛋麵配山葵鰹魚醬油
15 瀏覽
0 讚好
0 留言
五色刺身冷松茸全蛋麵配山葵鰹魚醬油
8 瀏覽
0 讚好
0 留言
生拆陽澄湖大閘蟹撈蠔油炒吉品鮑魚蝦子麵
8 瀏覽
0 讚好
0 留言
生拆陽澄湖大閘蟹撈蠔油炒吉品鮑魚蝦子麵
15 瀏覽
0 讚好
0 留言
生拆陽澄湖大閘蟹撈蠔油炒吉品鮑魚蝦子麵
13 瀏覽
0 讚好
0 留言
生拆陽澄湖大閘蟹撈蠔油炒吉品鮑魚蝦子麵
8 瀏覽
0 讚好
0 留言
生拆陽澄湖大閘蟹撈蠔油炒吉品鮑魚蝦子麵
4 瀏覽
0 讚好
0 留言
牛頸脊蠔汁炒金方蝦子麵
11 瀏覽
0 讚好
0 留言
牛頸脊蠔汁炒金方蝦子麵
24 瀏覽
0 讚好
0 留言
日本榨菜肉絲撈金方蝦子麵
5 瀏覽
0 讚好
0 留言
日本榨菜肉絲撈金方蝦子麵
9 瀏覽
0 讚好
0 留言
法蘭克福腸 Mozzarellas 芝士撈黑松露麵
12 瀏覽
0 讚好
0 留言
法蘭克福腸 Mozzarellas 芝士撈黑松露麵
13 瀏覽
0 讚好
0 留言
日本半熟蛋三文魚子帶子刺身加拿大海膽刺身拌冷番茄麵配山葵昆布鰹魚醬油
6 瀏覽
0 讚好
0 留言
日本半熟蛋三文魚子帶子刺身加拿大海膽刺身拌冷番茄麵配山葵昆布鰹魚醬油
9 瀏覽
0 讚好
0 留言
日本半熟蛋三文魚子帶子刺身加拿大海膽刺身拌冷番茄麵配山葵昆布鰹魚醬油
7 瀏覽
0 讚好
0 留言
日本半熟蛋三文魚子帶子刺身加拿大海膽刺身拌冷番茄麵配山葵昆布鰹魚醬油
16 瀏覽
0 讚好
0 留言
日本半熟蛋三文魚子帶子刺身加拿大海膽刺身拌冷番茄麵配山葵昆布鰹魚醬油
25 瀏覽
0 讚好
0 留言
張貼
