影片
更多
2018-07-05
466 瀏覽
今日同細佬去銅鑼灣sony睇耳機，甘遠來到決定食埋野先歸家。起SOGO對面的黃金廣場見到呢間串串香店，之前聽過起大陸有好多間分店，決定一試。時間尚早，仲有好多吉位。先點了個酸菜鴛鴦鍋 ($168)，等湯底的時候就去凍櫃攞定野食同醬料。串串係$75 100g，蔬菜果d就一支竹籤一串，有d肉類就2-3支竹籤一串，買單的時候先一次過磅再計數。本身個湯底已經好夠味，所以可以唔使點醬，如果太辣可以點d麻醬。我地唔算太餓所以都係攞少少試試。其中有幾款特別推介:小郡肝，餐廳招牌雞腎，爽口好味。香菜牛肉，牛肉包住芫荽醃得好入味。土豆片，個人好喜歡食土豆，記住唔好煮到淋哂先食，會溶左夾唔番。湯底方面，酸菜果邊唔太辣，酸味可中和個辣味，麻辣果邊就好麻好惹味，唔食得辣可以叫少辣。煮完唔好即刻食，放上碟到等凍少少會無甘辣。重慶炸酥肉($58)，炸粉加左花椒，麻而不太辣。紅糖糍粑($68)，呢個炸左的糯米外脆內軟好好食，值得一試。紅糖冰粉($28)，食完辣野食透心涼，唔太甜，略嫌有點淡。如果唔方便成日番大陸，都可以近近地起香港食到串串香。
時間尚早，仲有好多吉位。
先點了個酸菜鴛鴦鍋 ($168)，等湯底的時候就去凍櫃攞定野食同醬料。
串串係$75 100g，蔬菜果d就一支竹籤一串，有d肉類就2-3支竹籤一串，買單的時候先一次過磅再計數。
本身個湯底已經好夠味，所以可以唔使點醬，如果太辣可以點d麻醬。
我地唔算太餓所以都係攞少少試試。其中有幾款特別推介:
小郡肝，餐廳招牌雞腎，爽口好味。
香菜牛肉，牛肉包住芫荽醃得好入味。
土豆片，個人好喜歡食土豆，記住唔好煮到淋哂先食，會溶左夾唔番。
湯底方面，酸菜果邊唔太辣，酸味可中和個辣味，麻辣果邊就好麻好惹味，唔食得辣可以叫少辣。煮完唔好即刻食，放上碟到等凍少少會無甘辣。
重慶炸酥肉($58)，炸粉加左花椒，麻而不太辣。
紅糖糍粑($68)，呢個炸左的糯米外脆內軟好好食，值得一試。
紅糖冰粉($28)，食完辣野食透心涼，唔太甜，略嫌有點淡。如果唔方便成日番大陸，都可以近近地起香港食到串串香。
張貼
