麻浦元祖 (已結業)

放左工去左尖沙咀搵食，行行下就走左入黎呢條食街，好多餐廳，多不勝數！最後就想食下韓烤，就走左入黎呢間韓烤店！😋裝修設計都貼近韓風味道，店員安排左我地坐卡位！我地就點左個烤肉拼盤及純豆腐海鮮鍋，店員知我地都肚餓架啦，就比左幾碟前菜比我地品嘗，有泡菜，漁仔，薯仔等等，個純豆腐海鮮湯充滿了豆腐香口既味道，不過係辣左少少！店員好窩心咁倒左2杯凍水比我地，仲幫我地開左個爐預熱一下，爐邊仲有芝士粟米同泡菜蛋。拼盤登場啦，我地首先煎左雞肉，肉質鮮嫩，燒5分鐘左右就食得啦！到燒個頂級雪花❄️牛肉，每邊燒一燒5-6成熟就得，牛既味道都比較濃郁，都有種入口即溶既感覺！另外五花肉脂肪比例較多，出得太多油了！好搶火！而大蝦燒完好似跳完舞咁，姿態優美，味道鮮甜。最後就燒特上王牛排骨肉，好似成塊紅地毯舖係爐面上咁😅😅，我地燒到咁上下就剪開細細舊咁燒會較易熟！再夾埋生菜，泡菜蛋同芝士一齊食會冇咁濟！不過食完都有股燒烤味道，幸好外套同手袋可以放係椅內，沒有吸了太大的BBQ既味道！😌+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊