玲玲燒賣 (已結業)

難得黎到葵芳，掃街好似係指定動作，今年第一次掃街就即管放鬆一下。今次目標有兩個，一個係芋圓一個係燒賣。先講燒賣，一般來講，如果啲燒賣係魚肉溝粉既，我一定唔會買黎食，見到呢間評價唔錯，而且價錢唔貴，＄10有四粒，$20有8粒，我要左四款試一試。麻辣：好鹹好重味，蓋過所有材料味道，唔好吃，可以不食。木耳：爽口，味道適中，有D咬口，呢款ok。蟲草花：呢款我最buy，材料配搭比較少見，味道清淡D。香菇豬肉：一般質素，不算突出。講元朗出品燒賣，暫時黎講妙舒我覺得係最好食，之後係呢間，諗起以前自己食燒賣，都係落好多豉油同辣椒油，我都有啲開始唔明自己點解可以食得咁濃味。