小魚兒 (金馬大廈)

營業中

休息中

尖沙咀金馬倫道有間餐廳叫小魚兒。樓梯直上一樓就係餐廳位置，座位寬敞舒適，適合同朋友聚會。主打麻辣川菜，菜式多樣化包括：炭火風味烤魚，雞煲，川菜鍋物，BBQ燒烤，小食，甜品等等。黃金蒜香海鱸魚由於朋友唔太食得辣，揀左個唔辣湯底嘅烤魚，估唔到有驚喜，湯底本底看似清淡但食落好濃郁，爆蒜愈煮愈入味，最後先食仲會食到蒜本身嘅甜味，煮透左嘅蒜頭係最好食。魚嘅尺寸真係好大，肉又厚，但肉質十分滑亦而好結實，唔會一夾於散。魚味亦都好濃烈，又無細骨方便食用。酸辣土豆絲呢個估唔到係必叫嘅。土豆絲切但夠幼所以炒得好均勻，爽口唔會過熟而太淋。小小花椒油嘅麻香，增加食慾。濕度亦都適中。燒茄子同樣出色嘅仲有呢個燒茄子，茄子肉就好似一舊海綿咁吸收哂蒜茸辣椒牛油同埋調味料嘅香味，茄子本人嘅水份都保存到，所以造到一個好好嘅融合。同埋有樣咁值得一讚就係味道好平均，真係一個好高分嘅燒茄子。