友利冰室 x 勿當奴 (D2 Place TWO) (已結業)

友利冰室 x 勿當奴聽左好耐，今日終於有機會一試啦，見佢新出火鍋套餐，有菜有肉有甜品，仲有飲品任飲，就決定試下。🍲火鍋套餐🍲$268揀左酸菜魚做主食，配有一雜錦火鍋配料。酸菜魚鍋入面有豆卜、薯粉、鯛魚同金菇，份量好多，係食極都仲有，食極都食唔完咁。鯛魚切得好夠薄，食落啖啖肉，冇骨，湯底就偏向辣，酸味唔算好出。雜錦火鍋配料有午餐肉、金菇、娃娃菜、蘿蔔、粟米，翠玉瓜、豆腐、丸子等等，多到講唔哂，粟米好甜，蘿蔔冇渣，豆腐好滑身，午餐肉夠哂厚身，菜類就好新鮮。🐷新手肉食套餐🐷300克 加$30由於唔食牛，店員同意俾哂2份豬我地。豚肉切得好薄，肥瘦適中，肉質夠新鮮，又冇筋，絕對係高質。醬汁可以自行調配，有辣椒蒜蓉芫荽蔥任揀，特別之處係佢用日本甜豉油，混醬後別有一番風味。雪櫃飲品任飲，有綠茶、可樂、雪碧、芬達，選擇絕對好多。雪糕係Movepick，有4隻味，朱古力、士多啤梨、雲呢拿同咖啡，揀左朱古力同咖啡，咖啡味好香濃，店員仲送左2米糯米糍俾我地，好好人又抵食。評語店員有禮火鍋套餐cp值高環境舒適寬敞🐵推介🍌🍌🍌🍌🍌（5🍌為滿分）