麻辣風雲 (荃碧大廈) (已結業)

荃灣友有口福了❤️各位都知道我好鍾意食麻辣🙆🏻‍♀️對於老乾媽、花椒八角同麻辣呢啲重口味嘅味道，絕對唔錯過位於荃灣海壩街啱啱開咗半個月嘅川菜麻辣風雲🌟🌟🌟裝修有啲和風，地方寬躺舒適今次試食咗干鍋肥腸欖角四季豆炒飯同埋我嘅至愛酸菜魚🔸干鍋肥腸首先，肥腸洗得好乾淨但仍然有豬腸應有嘅味道呢個菜可以揀辣度因為有小朋友在場所以揀咗小辣非常有鑊氣，豬腸有少少焦香咬落去啖啖油脂而且有少少脆🔸欖角四季豆炒飯欖角嘅份量毫不吝嗇整個炒飯充滿欖角嘅獨有香味加咗四季豆令口感更豐富四季豆爽脆令到炒飯食起嚟味道更清新🔸酸菜魚大家食酸菜魚應該第一件事都係夾酸菜呢度嘅酸菜大大件就算幾個朋友都鍾意食酸菜份量都一定夠share魚嘅份量都好多單單係一份酸菜魚已經夠四五個朋友分享而且呢度味精少食完都唔會頸渴呢度仲有幾個窩心位首先，上菜快有時諗起想食麻辣野就會好快開始肚餓可能川菜真係好開胃上菜快就唔使捱餓啦然後係服務好諗唔到食乜嘢店員都會主動幫你介紹最後就係乾淨衛生餐廳嘅裝修好寬躺舒適枱月枱之間嘅距離都好闊(絕對唔係因為疫情問題)同朋友食飯吹水最緊要係空間太近隔離枱聽曬你講嘢真係好冇癮，好冇私隱呢度就可以慢慢食慢慢傾👏🏻