渝味曉宇重慶老火鍋 (聚賢逸居) (已結業)

今晚天氣仲係涼涼地，打個邊爐就最好不過我們點了麻辣鍋底拼山珍菌湯，麻辣湯出名在於湯頭，用了很多大紅袍花椒，多種香料，令麻辣又香又辣得過癮，真係重慶的味道。山珍菌用上了猴頭菇，冬菇，秀珍菇，姬松茸等很清甜又芳香。入去Qr code睇餐牌，見到十大必點，梗係叫部份試下啦美國安格斯優質肥牛真係無錯，好優質，油脂分佈得好均勻，肉質鮮味，重牛味，仲要大大片，配湯真係好正。鴨血鮮嫩，啡色長方形似幼滑朱古力，放入麻辣湯，好索汁，食落去滑口帶點彈性。手打蝦滑很新鮮，面層鋪上蟹子，好鮮味，仲有粒粒蝦肉。稻田毛肚用冰鎮，只要十秒就起得，很爽口，處理得好乾淨。我們都仲叫左其他配料，嫩牛肉好滑，炸豆皮好香脆，苕粉5分鐘食得又彈牙又健康，淮山條仲要有紫淮山，健脾胃。最後點少得一碗透心涼又清甜的冰粉呢，鋪上乾果，果仁，甚有口感。