滿江紅小甜甜 (已結業)

今晚突然好想食水煮魚，男朋友就提議去食小甜甜，我地未夠7點就去到，所以唔洗等位。水煮桂花魚水煮魚揀了中辣（利申我們都算食得辣，中辣都算幾辣架啦），魚肉質感好嫩滑！以$218來講，魚件數量唔係話好多，但都算對得起價錢。麻辣田雞煲我地都有段時間冇去食過小甜甜，最掛住就係佢地個麻辣魚春煲，可惜點餐果時職員話今日sold out！好在我同男朋友都中意食田雞，所以就轉戰try try個麻辣田雞煲！一樣係點左中辣，個麻辣汁真係不得了，入口真係好麻，辣得好惹味，d配菜都索哂個汁好正！煲裡有好多田雞脾，啖啖肉得泥又好嫩，只係$82好抵食！不過順帶一提，因為個煲係keep住用明火煮緊，所以個汁係會愈煮愈辣！同時田雞煮得耐，都會令肉質變鞋。辣子土豆絲可能水煮魚同田雞煲比較濃味，土豆絲食落味道就顯得比較淡，不過口感偏爽。