十二味麻辣小當家 (已結業)

今日同朋友游完水出返銅鑼灣，突然好想食辣野，就睇下附近有咩食，跟住就搵到呢間十二味麻辣小當家呢到有麻辣燙同麻辣鍋，我地就叫左個麻辣鍋，因為見到好似幾香幾惹味，玩法係叫配料同埋揀要咩辣，配料要叫五款或以上，超多選擇，我地揀左勁耐未食野先有杯茶飲，有淡淡既玄米香，我覺得好好飲我地兩條友叫左小辣，同埋六個配料，個鍋一上黎已經聞到好麻好香！第一樣，田雞！呢個我覺得必叫，因為炒完有麻辣香再加上佢本身啲肉超滑，好新鮮，鐘意食田雞既話必嗌第二樣，寛粉！條粉炒完沾滿晒香料好正，同埋有咬口，個人覺得食辣野配呢隻粉係最佳，啲寬粉好快俾我地清曬，呢個都必嗌！之後有年糕，年糕好煙韌，外皮煎過脆脆地，驚淨食餸唔飽又唔想食飯既話可以叫份年糕！另外值得一提既就係牛肉片，因為肉質好滑，絕對唔柴，可以試下每次見到有口水雞都一定叫黎食，係滑既！上面既汁好香好惹味，唔會太辣岩岩好整體黎講呢間野以辣野黎講真係幾正，下次會再黎試埋麻辣燙