楊記麻辣魚館 (長樂街)

營業中

休息中

難得約埋一大班朋友去食飯，有朋友提議去食川菜，我哋就決意去佐敦長樂街嘅「楊記麻辣魚館」，因為我哋喜歡佢夠地道夠正宗。菜館裝修簡單，勝在座位闊落同地方乾淨，牆壁上都貼上食魚，就吃水煮魚的解釋及內容，相當專業同講究。嚟到大家都紛紛點菜，我哋就點了四川涼粉 、青笋臘肉、酸菜魚、大盤花菜及四川扣肉。四川涼粉 - 涼粉煙韌爽口，浸透了麻辣紅油醬汁，十分惹味。青笋臘肉 - 青笋爽脆，臘肉惹味，配上辣椒炒後更增香口。酸菜魚 - 是菜館的招牌菜，大大盤份量十足，魚肉夠滑，麻辣味搶口，入口先感麻後漸漸辣感就出來，辛辣感有好層次。大盤花菜 - 椰菜花及豬肉片炒得好有鍋氣，遠遠都聞到香味，味道夠辣， 辣得嚟都幾過癮。四川扣肉 - 一層肥一層大瘦的豬肉，十分吸引，夠入味而且很香濃，入口油脂滲出，相當香口，配白飯一齊食超正，邪惡指數滿份。