糖兄弟甜品屋

營業中

休息中

今日同朋友去咗柴灣樂軒台嘅糖兄弟食糖水，呢間糖兄弟經常一入夜就有人龍，非常受歡迎。入到舖頭，地方雖然唔大，但勝在選擇唔少，有熱有凍，主打冰凍糖水，價錢都幾親民。我地分別叫咗四碗糖水：士多啤梨雪糕拉麵、咋喳、楊枝甘露、芒果撈珠。士多啤梨雪糕拉麵嘅"拉麵"其實係蒟蒻麵，好彈牙，再加上好多小丸子，每一啖都好有口感，仲有一球好大嘅士多啤梨雪糕。咋喳好足料，每一匙麵有足量嘅豆，即使加花奶亦都唔會蓋過豆嘅香味，值得一嘗。楊枝甘露有好多芒果肉同柚子肉，每一啖都可以食到大量果肉，而且好有奶香味，夏天食呢道甜品消暑一流。芒果撈珠有大量茫果肉同埋爆珠，芒果嘅甜香再配合每粒爆珠被咬爆於齒頰間，營造出豐富嘅口感。佢地因為高調表態而飽受打擊，加上受疫情影響，生意已經告急，大家經過附近的話支持一下。