影片
更多
2021-09-25
121 瀏覽
上完訊號山落番黎就見到呢間居酒屋，個樣好日本窄行見到嘅，有啲地道風味喎！行到入去見到成個牆身都係sake樽貼紙，好靚呀! 好適合打卡。佢個menu都多選擇，可能太耐無食過居酒屋，所有野都想食呀😭 我地決定跟下風，睇下openrice d 人多數嗌咩，咁就實無死啦！前菜就揀左我地兩個都好愛嘅燒牛舌($160)燒提子五花腩卷($110)。 牛舌係一粒粒唔係一片片嘅，不過不失，都燒得幾好，唔會overcooked變成好硬又難咬，亦唔會有怪味。兩者我比較鍾意燒提子五花腩，平時食過串燒入面係荔枝，己經覺得好正，無唸過會可以兩樣野咁夾。轉左做提子又多左一份清甜，如果係荔枝嘅，有時如果唔靚嘅會係死甜同埋俾生果搶哂個味。之後主食有三個(全部都想試，所以就豁出去啦☺️)，八爪魚大阪燒($150)，三重芝士葱蛋餅($90)同三文魚籽紫菜胡麻醬冷麵($130，後加嘅，啱啱好!) 。前者好多八爪魚，就算係食一小口邊邊嘅位都已經食到好足料，全部都係即叫即整，上菜仲見到木魚郁下郁下！邊邊位無乜醬，賣相要靚所以醬集中係中間，不過小問題，撥番開就得。蛋餅通常都係食慣台灣，日式真係第一次，同樣好打卡able，切開己經見到
前菜就揀左我地兩個都好愛嘅燒牛舌($160)燒提子五花腩卷($110)。 牛舌係一粒粒唔係一片片嘅，不過不失，都燒得幾好，唔會overcooked變成好硬又難咬，亦唔會有怪味。兩者我比較鍾意燒提子五花腩，平時食過串燒入面係荔枝，己經覺得好正，無唸過會可以兩樣野咁夾。轉左做提子又多左一份清甜，如果係荔枝嘅，有時如果唔靚嘅會係死甜同埋俾生果搶哂個味。
之後主食有三個(全部都想試，所以就豁出去啦☺️)，八爪魚大阪燒($150)，三重芝士葱蛋餅($90)同三文魚籽紫菜胡麻醬冷麵($130，後加嘅，啱啱好!) 。前者好多八爪魚，就算係食一小口邊邊嘅位都已經食到好足料，全部都係即叫即整，上菜仲見到木魚郁下郁下！邊邊位無乜醬，賣相要靚所以醬集中係中間，不過小問題，撥番開就得。蛋餅通常都係食慣台灣，日式真係第一次，同樣好打卡able，切開己經見到一絲絲，食落好香蛋味，雖然有三種cheese，都唔會搶哂味，好食！後加嘅冷麵都好豐富，每啖都有明太子，如果一啲都唔食得辣嘅就要三思！
黎居酒屋唔飲sake啤酒有啲掃慶，但健康要緊，叫左兩杯青檸巨峰梳打同柚子乳酸梳打($60@)。我鐘意第一杯，無唸過青檸可以加埋巨峰提子，青檸味岀先，之後先有巨峰味。柚子乳酸柚子味較濃。
想黎試下嘅我建議book定枱，我地六點鐘去到都己經有兩枱人係到，之後黎嘅全部都係book左位嘅。
張貼
