影片
更多
6天前
0 瀏覽
安格斯肥牛小鍋冒菜鍾意食辣嘅朋友必嗌之選，湯底麻香，辣得好惹味！餐廳會點着個火爐keep住個冒菜熱辣辣，好似食緊火鍋咁。安格斯肥牛片份量好足，因為係薄切，所以唔會咬唔到。冒菜入邊啲材料好豐富！除咗肥牛，仲有豆卜、魚腐、豆皮、金菇、薯粉同菜等等，份量一定夠飽！脆皮半隻雞拼麻辣小麵脆皮雞即叫即燒，半隻都算大隻，啖啖肉。個皮都脆脆地，雞肉肉質嫩滑，幾juicy，鹹香鹹香！麻辣小麵，湯底香麻，小麵索滿湯汁，麵質有彈性。大草原羊肉串羊肉串肥瘦適中，咬開有少少油脂，表面灑咗好多孜然粉，食落唔會話好重羊膻味，怕膻味都可以試。爆漿豆腐串呢個豆腐唔係我哋平時食開嘅豆腐，咬落有啲似玉子豆腐，面層落咗麻辣粉同埋香辣汁，啲辣汁滲晒入豆腐入邊，重口味之選！白玉厚椰乳鍾意飲椰汁嘅，你一定要飲！呢杯喺好濃椰奶味嘅特飲！白玉凍好似啫喱咁，滑得黎又有咬口，隱隱約約仲有啲茶香味！
鍾意食辣嘅朋友必嗌之選，湯底麻香，辣得好惹味！餐廳會點着個火爐keep住個冒菜熱辣辣，好似食緊火鍋咁。安格斯肥牛片份量好足，因為係薄切，所以唔會咬唔到。冒菜入邊啲材料好豐富！除咗肥牛，仲有豆卜、魚腐、豆皮、金菇、薯粉同菜等等，份量一定夠飽！
脆皮半隻雞拼麻辣小麵
脆皮雞即叫即燒，半隻都算大隻，啖啖肉。個皮都脆脆地，雞肉肉質嫩滑，幾juicy，鹹香鹹香！
麻辣小麵，湯底香麻，小麵索滿湯汁，麵質有彈性。
大草原羊肉串
羊肉串肥瘦適中，咬開有少少油脂，表面灑咗好多孜然粉，食落唔會話好重羊膻味，怕膻味都可以試。
爆漿豆腐串
呢個豆腐唔係我哋平時食開嘅豆腐，咬落有啲似玉子豆腐，面層落咗麻辣粉同埋香辣汁，啲辣汁滲晒入豆腐入邊，重口味之選！
白玉厚椰乳
鍾意飲椰汁嘅，你一定要飲！呢杯喺好濃椰奶味嘅特飲！白玉凍好似啫喱咁，滑得黎又有咬口，隱隱約約仲有啲茶香味！
張貼
