Fun Fun 串串鍋 (已結業)

旺角百寶利中心的串串鍋，湯底有麻辣、部隊鍋、胡椒魚肚湯、椰子雞湯，都唔使加錢，但普通的沙嗲湯底竟要加$18😢湯底唔算香濃，不太特別。店舖地方唔大，環境較暗。食物種類唔多，豬肉、牛肉都要寫紙order，連蘿蔔、薯仔片都係寫紙order。其他火鍋食材就要係出面揀，基本山根、丸類都有。飲品就有些失望，竟然最普通的可樂、雪碧係無😭打邊爐無可樂配真係爭啲！唯一可取竟係阿波羅雪糕，有朱古力、雲尼拿、芋頭，仲有其他雪條。價錢方面百多元，就真係幾抵！