城意 (已結業)

今日同老公去咗黃埔食lunch ,喺百寶坊見到呢間餐廳餐牌午餐選擇都幾多,有葷有素食選擇所以就入去試吓。午市套餐呢全部都包任食自助沙律吧、餐湯同埋飲品。自助沙律吧有六款選擇，超級鍾意食沙律菜嘅老公啱曬☺️ 六款裏面呢我最鍾意係紅菜頭，食落去好甜好清新。主菜我哋揀咗：💚黑皮雞樅菌配溫泉蛋咖喱葡國燉飯💚💛黑椒草飼牛扒配煎蛋配薯菜💛特別鍾意個素食燉飯做得幾好，個葡國汁好香，每一粒飯都滿晒汁👍🏻牛扒都OK，特別鍾意佢個燶邊太陽蛋😙餐飲我揀咗凍無糖茉莉綠茶綠茶，清清地幾好飲。最後見到佢哋個甜品櫃入面啲蛋糕其實都好吸引，如果跟套餐叫+$38都可以自選一款蛋糕或者馬卡龍兩件。不過我今次我哋已經飽所以冇特別再加甜品。