影片
更多
2009-11-22
525 瀏覽
媽媽生日, 之前慶祝舊曆已經去東海慶祝過, 輪到今日新曆就隨便d食餐飯。 媽媽嘅好朋友係黃大仙街坊, 多次推介大成街街市呢檔全記, 好, 我地就襯呢個機會去試下啦~老闆娘好好招呼, 介紹咗幾款招牌菜:黃金鮮魷 $50: 咸蛋味唔會太重蓋過鮮魷, 都炸得好香口呢~懷鄉蝦 $48: 老闆娘強調係新鮮游水蝦, 之唔係樓下街市嘅正貨囉! 蝦肉果然非常彈口, 而且佢地個做法係炸到蝦殼脆卜卜, 連蝦殼都食得~ 醬汁牛柳粒 $48: 呢味我地最鍾意食, 牛柳粒鮮嫩又非常有肉味, 醬汁份量啱啱好! 老闆娘落單時已經話我地一定會掃光, 果然如佢所言 椒絲腐乳生菜 $25: 食咁多肉, 點都要有個菜平衡下嘅原來呢檔本身淨做日頭生意, 係最近先至轉攻埋晚飯嘅, 可能因為街市位置吊腳又或者係無乜人識嚟呢層熟食中心啦, 所以我地食緊飯時老闆會不時走埋嚟問我地d野好唔好食, 好殷勤; 佢地自己食飯時整咗d斑塊, 仲請我地食, 又真係幾好味喎! 老闆又介紹如果想食其他海鮮, 可以預先打電話同佢地講, 佢地會去街市入定貨。 聽媽媽嘅好朋友講, 佢都試過咁安排, 仲話個價錢都好中肯, 同自己去買海鮮差唔多。至於我地
老闆娘好好招呼, 介紹咗幾款招牌菜:
黃金鮮魷 $50: 咸蛋味唔會太重蓋過鮮魷, 都炸得好香口呢~
懷鄉蝦 $48: 老闆娘強調係新鮮游水蝦, 之唔係樓下街市嘅正貨囉! 蝦肉果然非常彈口, 而且佢地個做法係炸到蝦殼脆卜卜, 連蝦殼都食得~
醬汁牛柳粒 $48: 呢味我地最鍾意食, 牛柳粒鮮嫩又非常有肉味, 醬汁份量啱啱好! 老闆娘落單時已經話我地一定會掃光, 果然如佢所言
椒絲腐乳生菜 $25: 食咁多肉, 點都要有個菜平衡下嘅
原來呢檔本身淨做日頭生意, 係最近先至轉攻埋晚飯嘅, 可能因為街市位置吊腳又或者係無乜人識嚟呢層熟食中心啦, 所以我地食緊飯時老闆會不時走埋嚟問我地d野好唔好食, 好殷勤; 佢地自己食飯時整咗d斑塊, 仲請我地食, 又真係幾好味喎! 老闆又介紹如果想食其他海鮮, 可以預先打電話同佢地講, 佢地會去街市入定貨。 聽媽媽嘅好朋友講, 佢都試過咁安排, 仲話個價錢都好中肯, 同自己去買海鮮差唔多。
至於我地呢餐, 連汽水、白飯, 3個人食, 埋單$193。 唔錯唔錯, 以後有機會一定再幫襯!! 嚟呢度食唯一最鬼麻煩係泊車, 要泊啟德花園個停車場, 行餐死......
張貼