影片
更多
2021-08-14
996 瀏覽
💛💛💛Tony’s Hell💛💛💛好耐以前已經好想食，不過次次Walk in都冇位，今次就預早打電話去訂位😌。如果想海鮮或扒，訂位時要講定。我一去到就明點解，餐廳座位少，大概坐到四至五枱客左右，所以預早問定為咗唔浪費食物👍🏻。雙子座沙律（帶子刺身 玉子豆腐 羅馬生菜 紅毛菜 百香果醋 ）$128預視到我地食塊扒會有啲heavy，所以我哋嗌左份沙律，成份沙律都好新鮮，帶子一粒開兩邊，爽爽地好食啵😚。啲菜絕無苦澀味，我係個啲少少苦都唔食既人，依份沙律所有菜都可食用🤪。第一次食沙律會食到玉子豆腐，呢本身仲擔心怪怪地，但又無咩問題幾夾喎😛。醬酒赤貝 $180男朋友知我鍾意食赤貝，如果係我未必會嗌，因為真係幾貴😂。新！鮮！好爽！絕無滑潺潺個啲海鮮黏液，加上有好多蒜頭，成件事好開胃，以前菜黎講一流😍。海鹽和牛肉眼扒 $438我哋主要食咗塊扒，兩個人share一塊大扒來講，價錢都算中等。牛扒嘅調味唔錯，好食，值得嘅😍。煎得好好，逼晒啲油出黎，食落有牛香味，又唔會成口油！伴碟嘅蕃茄仔都媽食😛，粒粒都好Juice，咬落去有爆漿嘅感覺，好似大型三文魚子咁樣🤣。黑糖裸麥麵包配忌廉芝士 $20本身冇諗住嗌，但
好耐以前已經好想食，不過次次Walk in都冇位，今次就預早打電話去訂位😌。如果想海鮮或扒，訂位時要講定。我一去到就明點解，餐廳座位少，大概坐到四至五枱客左右，所以預早問定為咗唔浪費食物👍🏻。
雙子座沙律（帶子刺身 玉子豆腐 羅馬生菜 紅毛菜 百香果醋 ）$128
預視到我地食塊扒會有啲heavy，所以我哋嗌左份沙律，成份沙律都好新鮮，帶子一粒開兩邊，爽爽地好食啵😚。啲菜絕無苦澀味，我係個啲少少苦都唔食既人，依份沙律所有菜都可食用🤪。第一次食沙律會食到玉子豆腐，呢本身仲擔心怪怪地，但又無咩問題幾夾喎😛。
醬酒赤貝 $180
男朋友知我鍾意食赤貝，如果係我未必會嗌，因為真係幾貴😂。新！鮮！好爽！絕無滑潺潺個啲海鮮黏液，加上有好多蒜頭，成件事好開胃，以前菜黎講一流😍。
海鹽和牛肉眼扒 $438
我哋主要食咗塊扒，兩個人share一塊大扒來講，價錢都算中等。牛扒嘅調味唔錯，好食，值得嘅😍。煎得好好，逼晒啲油出黎，食落有牛香味，又唔會成口油！伴碟嘅蕃茄仔都媽食😛，粒粒都好Juice，咬落去有爆漿嘅感覺，好似大型三文魚子咁樣🤣。
黑糖裸麥麵包配忌廉芝士 $20
本身冇諗住嗌，但一來無澱粉質落肚唔慣，二來隔離枱encore左幾個，咁我地緊係唔執輸又食埋一份😌。好好食！個包暖粒粒架，cream cheese係麵包上面溶化，令到麵包好滑😍。我地兩個人食左兩大個麵包，最後我哋仲掙扎左陣好唔好外賣多個返屋企食😂。
我見隔離枱有嗌到海鮮，睇落唔錯，不過我冇食過唔知正唔正啦。多啲人去食嘅話抵啲，又可以試多啲野😚。如果價錢可以平少少就好啦。
埋單$865（包加一）
張貼
