時代冰室 (公主大廈) (已結業)

今日特登嚟到時代冰室食個下午茶，叫咗個蔥油豬扒三眼仔飯。送餐時間快，豬扒爽滑，份量足，惟獨今次煎嘅蛋比較熟，可能下次落單要同侍應講要太陽蛋先會好啲！49蚊連埋涷嘢飲真係非常抵！特別推介涷檸檬茶，茶底係咁多間餐廳最好飲，甜度啱啱好。嚟開炮台山嘅你值得一試，不過可能要預10分鐘等位。仲叫咗個炸脾蛋治，炸脾好出色，個皮好脆，裏面又唔會炸到好乾，肉汁仲會保留到，調味啱啱好，唔會太咸。不過個蛋治就稍為遜色，隻蛋有啲老，變咗無乜特別。