亞金南洋茶室 (黃大仙中心南館)

營業中

休息中

最近雖然日日都係食外賣，但係都有辦法食得健康啲，黃大仙中心南館開咗間新嘅南洋茶室，睇落都有一啲健康嘅選擇，所以就去試吓。我嗌左個無骨海南雞配南洋番茄湯米線。海南雞肉質柔嫩，加上係白肉，感覺健康，再加埋蕃茄湯米線，又唔肥膩，蕃茄又有益又美顏。我再嗌咗一個炸蝦餅撈檬，好抵食，話晒大熱天時，食撈檬清涼啲。炸蝦餅真係成大塊，超級足料。當然唔少得甜品啦，嗌咗榴槤波波三件，我係好鍾意榴槤嘅，外面香脆，入面就有流心榴槤，係令我驚喜嘅水準。