農耕記 湖南土菜 (黃大仙中心北館)

營業中

休息中

內地好出名嘅連鎖湖南菜原來喺黃大仙都有分店。我哋去食嗰日好多人食，當中唔少都係訂枱客。同埋真係好多人叫酸菜魚！所有辣嘅菜式都有得加減辣度，我哋全部揀晒小辣，口味係幾食到辣都接受到。佢哋嘅菜式仲有得揀少油。✨茶油土芹菜炒黄牛肉 $136見到餐牌上寫住top1就叫嚟試下。黄牛肉唔算大塊但係份量幾多。土芹菜冇想像中咁濃，俾到少少香味又有清脆口感。✨油豆腐燜拆骨肉 $128豆腐卜吸晒汁幾好食，鹹鹹地好啱餸飯。拆骨肉原來係走骨嘅排骨肉，口感爽彈，類似酒樓蒸排骨嗰種。✨大碗花菜 $68成餐都鐘意呢碟！椰菜花加埋蝦乾同豬油豬皮好香好邪惡。✨鹹蛋黃燒賣 $39燒賣皮包住糯米同鹹蛋黃。糯米嘅味道口感類似糯米卷嘅餡。鹹蛋黃冇咩油同冇想像中咁鹹。