阿木台灣麵 (廣華街) (已結業)

💛💛💛阿木台灣麵💛💛💛差唔多每個月都會食一次，就算佢開咗分店都要排隊，記得預先用個Apps攞飛，如果唔係去到個舖頭排就無癮啦😂。麻辣牛肉麵 $65我已經唔會再問男朋友食咩，因為每次去都係食一樣嘅嘢，就係個牛腩麵😍。真係好好食，特別係嗰種麻辣，如果嫌唔夠辣嘅話加埋辣菜譜更加好食😂。碗面有好多塊牛腩，仲有好多麵。我哋極度懷疑兩個人先食得晒😏。麻醬拌麵 $37由於碗牛腩麵太大件，如果我再嗌多個飯一定食唔晒，所以就嗌麵細細份既麵😚。麻醬世界級，好多麻醬，好似唔洗成本咁。每條麵都一定可以浸到麻醬😍。醬油蕃薯茶 $32淨食個拌麵有少少寡，所以我多數會嗌多碟菜。食幾多次，幾多次啲菜都係咁嫩。上面啲真心好食😏！除左以上幾樣野我地成日食之外，我仲會食鹽酥雞😚。從前一碟雞有十幾粒到而家一碟雞十粒內，雞粒仲比以前細左，不過仲係絕對抵食😍。食物方面冇得挑剔啦，不過飲品方面真係麻麻。我哋飲過幾款唔同嘅，都唔好飲，所以我哋多數都唔會嗌嘢飲，淨係嗌嘢食😂。