Hooman by the Sea (西九龍文化區)

營業中

休息中

假期最後一日，嚟到西九龍文化區嘅海邊坐下。周圍好多青春嘅文青，仲有好多得意嘅狗狗走來走去，成個環境好舒服。行吓行吓行到肚餓， 就去搵啲嘢食。咁見到一間買熱狗嘅感受入去睇睇。 價錢都幾啱就排隊買嘢食。因為呢一區都係寵物友善區域，排隊前前後後都有啲狗狗喺度，啲狗狗喺度頂下頂下我隻腳都幾搞笑😂😂😂😂至於呢間餐廳啲熱狗全部都係用狗名泥命名。今日食嘅叫芝娃娃， 原本應該係用黑色嘅包，但係因為黑色嘅包賣晒，所以佢俾咗啡色嘅包我。但係佢都係好好食。點解呢，佢條腸係高質嘅，但係呢個唔係重點。佢嘅蒜蓉粉同埋芝士粉份量同比例好好， 再加埋脆脆嘅煙肉片，呢個配搭已經一流。但係佢犀利就犀利在上邊再沈多幾條翡翠苗，翡翠苗嗰陣青味係呢一堆咁鹹嘅嘢入邊有一個好新奇，而又平衡返成件事嘅感覺，超正！另外亦都叫咗個pancake，依個pancake係有香蕉同埋朱古力醬仲有好大劈cream。個pancake勁鬆軟，cream又打得好滑，正！今日係多人左少少，如果人少啲係一個幾好坐嘅地方。