龍麵館 (已結業)

見黃秋生好少賣廣告，但都話好味，就黎見識下啦~龍麵館裝修好有誠意，好有中國特色好特別！一坐底，先開翻壺茶啦當然之後就點咗呢度最出名嘅龍蝦麵先，有乾有濕，我地就揀咗乾~~~遺憾嘅係~~~太心急了，完全唔記得咗影相，𣎴過肉質好味，好多肉，的確好食，別附送一碗龍蝦湯，正我成碗飲哂！之後，我地叫咗呢度另一道出名好菜，片皮鴨，事關得兩個人，我地就叫咗半隻算，一叫完，小二就放好個陣~煮好就當場起菜小二好有心機同我地講解，唔同部位係點乜野唔同嘅醬黎食，好有誠意順帶一提，皮亦好有心，每片皮中間都有牛油紙隔住，包保唔會粘住食家片皮鴨見仲有胃口，我地又再叫多個土蠔炒飯，好足料，有成六隻蠔！！！飯後，當然唔少得甜品啦，所以飽飽地都叫咗個豆腐花黎食下。無可否認，靚~~~呢餐真係非常之滿意，幾道菜加埋承惠800蚊有找，中價得黎，真係好食，絶對覺得可以返黎再食！