Insanity

營業中

休息中

呢間黃竹坑嘅隱世餐廳酒吧真係好有驚喜！一入到去，就見到喺天花度掛住一隻船，好有藝術感！而小酒吧台就更加精緻又好睇，真係好舒服嘅環境！仲有部電視播放住調酒嘅資訊！我哋揀咗尼泊爾雞肉餃子Momo嚟食，真係好正！佢哋嘅外皮好薄好滑，內裡有多汁嘅雞肉，配埋特製嘅醬汁，味道更加出色！同我哋平時食開嘅中式餃子完全唔同風味！值得一試！我地仲叫左墨西哥芝士餡餅，同埋肉眼扒配薯條，都好好味！墨西哥芝士餡餅有濃郁嘅起司味，配上香脆嘅外皮，好滿足！肉眼扒煎得恰到好處，肉質鮮嫩多汁，同薯條一齊食更加美味！既然黎到酒吧就要試下師傅特調雞尾酒，真係好好味！佢哋嘅調酒師傅真係好有心機，每杯雞尾酒都有獨特嘅口感同風味！真係一種享受！餐廳嘅酒選擇亦都好多，真係有啲眼花撩亂！