影片
更多
2010-08-19
886 瀏覽
最近發現返工經過既黃竹坑有間新酒店落成，就係L'Hotel Island South，再上網search下有冇做buffet，原來做緊「南灣海洋鮮味自助晚餐」兼有promotion discount，甘就上個星期同屋企人去試下順便享受一下家庭樂果晚入到間酒店(P3 Floor)就係個甜品雪櫃，裡面d dessert真係好精緻。入到去坐低，梳化加埋個腰枕都好舒服，而且環境夾燈光都幾有格調，10分滿分可以俾佢7分食物方面，由於推廣期內惠顧自助餐的客人可獲贈一客原條野生海斑，或可選擇送贈的阿拉斯加皇帝蟹腳(以日本清酒西洋蒜烹調)。故此看見每人枱面上都有條海斑，就好心急同侍應落order，由於條魚是即叫即蒸，所以係等既時候我地就去掃場啦刺身：種類都有六款左右，三文魚鮮甜。串燒：有牛扒、羊架、翠玉瓜、茄子、蝦等，味道不錯，尢其是牛扒個汁，好味又好夾湯類：有2款湯，中式and西式，西式既磨茹湯super yummy呢熱盤：食物有，香芒豬柳、炆雙菇、牛仔骨，白汁意粉，就係只得呢４款，而全晚都係不斷refill番呢4款從來都無轉過其他款式，所以款式較少，雖然經常refill，但因為唔會轉款，所以行完幾
果晚入到間酒店(P3 Floor)就係個甜品雪櫃，裡面d dessert真係好精緻。入到去坐低，梳化加埋個腰枕都好舒服，而且環境夾燈光都幾有格調，10分滿分可以俾佢7分
食物方面，由於推廣期內惠顧自助餐的客人可獲贈一客原條野生海斑，或可選擇送贈的阿拉斯加皇帝蟹腳(以日本清酒西洋蒜烹調)。故此看見每人枱面上都有條海斑，就好心急同侍應落order，由於條魚是即叫即蒸，所以係等既時候我地就去掃場啦
刺身：種類都有六款左右，三文魚鮮甜。
串燒：有牛扒、羊架、翠玉瓜、茄子、蝦等，味道不錯，尢其是牛扒個汁，好味又好夾
湯類：有2款湯，中式and西式，西式既磨茹湯super yummy呢
熱盤：食物有，香芒豬柳、炆雙菇、牛仔骨，白汁意粉，就係只得呢４款，而全晚都係不斷refill番呢4款從來都無轉過其他款式，所以款式較少，雖然經常refill，但因為唔會轉款，所以行完幾次見到都有d悶。
咖哩：印度黃咖喱、泰國青咖喱、海南海鮮咖喱，有不同的辣度、配菜，另有絲苗白飯及印度烤餅可供配搭，三隻咖哩味道都幾正
沙律：可以用差字形容，只有薯仔沙律、通粉沙律，自己配搭的亦只有幾款菜，連粟米、紅腰豆、提子干、洋蔥都無呀! 所以真係幾差。
冷盤：有四款特色小食- 蝦沙律杯、蟹柳拼冷麵、三文魚層層疊、什麼火腿拼蜜瓜，呢四款味道都唔錯，係什麼火腿有筋，好難嚼。另外仲有幾款火腿、凍豬手片同埋煙三文魚。
海鮮：源源不斷咁補充長腳蟹，磥等等既海鮮，但款式唔多。
水果: 只得四款- 新鮮菠蘿、西瓜、哈蜜瓜同埋蓮霧。
甜品: 之前睇網上睇話有成80款，但當日唔見有wor，有穩陣既new york cheese cake，各款mousse cake，不過mousse cake全部都唔係咁好味！另外仲有木糠布甸，焦糖布甸，呢２個都幾好味，有朱古力噴泉，蛋散，仲有２款乳酪ice-cream，但就連最basic既班戟都無！梳乎里都有不過次次行過去都無，原來要預早同師傅講定佢下轉先會焗你果份，因為佢有２部機，每部放４個，所以每次只能出爐８個，最後試了１個，但原來味道係無想像中咁好！
至於甜品呢方面，因為ｄ甜品係放落櫃度既，所以每次都要排隊叫師傅拎的，而呢點亦都係是次我們全家人一致認為最唔好之處喇！因為大家好期待既甜品，自自然然就會好貪心好多款都想試而每款都拿一ｄ咁嘛^^ ，不過因為每次都要經師傅先拎到，而且有時亦要排隊，加上我今日個師傅又唔係好耐煩咁，我叫完個cheese cake再叫佢要多件mousse cake，本身我仲想叫佢要個布甸但見佢個樣都幾黑面咁，所以我就無叫到而只係拎左２款，之後講番個case比屋企人聽原來大家都有一樣既同感，就係拎甜品拎得唔夠盡興喇！雖然佢係無限制，師傅亦都無講明只限拎幾多款，但每次排到自己都比成條隊既人睇住你叫邊幾樣同幾多款既時候，好自然係會感到尷尬而唔能夠盡情享受！不過呢點都係我同屋企人既感覺同意見啦！始終各人都有唔同既喜好嘛！^^
最後，其實最值得一讚的就是那道送既原條野生海斑（可以選擇要阿拉斯加皇帝蟹腳），我地４個人要左１道蟹腳，蟹腳就叫完之後好快就到左啦，味道就普通喇，至於另外３道都要海斑，因為可能蒸要需時，所以大約係食既途中約45mins左右就送來啦，每人１條都好大條，每條８兩，好新鮮，好好味，我地全家人都好滿意呢條魚，哈哈。尤其係媽媽，因為本身媽媽唔好生冷食物，即係魚生，凍既海鮮同冷盤佢通通都唔食的，至於熱盤，因為只得４款而且完全無轉過其他款式，所以媽媽今晚其實唔係太滿意的，而佢自己亦話全晚最好味都係呢條魚架啦！所以大家如果會黎食呢個buffet的話就真係推介要送魚啦
總括而言或者呢道係黃竹坑對於好多人黎講比較遠同陌生，亦因為咁所以人流都唔算多，所以buffet供應既食物相對而言選擇亦比較少呢？不過呢度始終係新開所以依然有好多可以改善既空間，食物種類如果都不能增加的話，或可嘗試將那４道原封不動既熱盤，都從適當的時候轉換一下款式吧！因為始終相信，食物款式更多元化才能吸納更多客人呢！
總數：＄１５９２（４位）
30% Discount 後 ：＄１１１４．４
另10%加一服務費：＄１５９．２
Total ：＄１２７３．６
即每位原本３９８，呢家每位＄３００左右，７折的話是抵的，不妨一試啦
張貼
