重光弁当 (已搬遷) 新店位置

呢間日式便當食過好多次，每次水準都好平均，好平均咁好食😆😆😆炸雞便當便當內有柚子醋沙律、炸雞x5-6舊、醃黃瓜、關東煮、飯上面仲加左飯素😋炸雞大大舊，炸得好香脆，調味亦好岩我口味，加埋沙律醬一齊食無得彈😋 關東煮有3款，白蘿蔔入味，蒟蒻爽口冇腥味，星星魚蛋就正常🤣 全部都煮得好入味好好食👍🏻 白飯係日本珍珠米，珍珠米飽滿，好香飯味，唔加飯素都好好食，收$58好合理👍🏻重光便當主菜係炸魚、炸蝦餅同炸雞，炸蝦飯彈牙唔霉，炸魚大大塊但冇乜味，要靠沙律醬調味，總括嚟講我鐘意炸雞便當多啲👍🏻