咖啡灣 (荃灣千色匯) (已結業)

疫情好似慢慢有緩和。大家都慢慢可以出去食飯，不過唔可以鬆懈。每次行過都好多人排隊嘅黃店，今日見唔係好多人等，就決定排隊試吓。🍴鐵板芝士雞扒漢堡雞扒好juicy，帶少少焦，雞皮煎到好脆，配上半溶芝士，好惹味。漢堡除左有雞扒，仲有煙肉，煙肉都係薄脆。生菜蕃茄唔少得，包皮們都有烘過，暖暖又鬆軟。不錯。配菜粗薯條好味，外脆內軟，有茄汁嘅加持，好味。🍴黑毛豬柳片配蒜蓉蘑菇汁相反呢個飯就比較失色，蒜蓉味好重，有啲似茶餐廳快餐嘅感覺，飯又有點爛。跟餐有餐湯，飲品，忌廉蘑菇餐湯有啲稀。侍應服務態度幾好，當中有人不小心打破玻璃杯，侍應第一時間關心周圍客人有沒有受傷，然後快速清理現場。