拉麵台風 (已搬遷) 新店位置

閉關咗咁耐終於都出嚟食吓飯，雖然有住家飯食係唔錯，但係偶然都會想偷懶一下，出嚟梗係食返我最鍾意嘅拉麵啦!! 雖然而家仲係疫情尾段，但依然都有唔少人排隊，為食佢哋嘅拉麵，就知道佢哋可以係荃灣咁多年嘅原因。台風拉麵今期再推出返「黃色暴雨拉麵」湯底用上豚骨湯加日本咖喱，食落咖喱味會比較突出，但口感依然濃厚，拉麵麵質唔錯相當有咬口，而且份量唔少，男士都會夠食。佢哋溏心蛋都唔錯，另外再加多左一隻溏心蛋，大滿足!!!