後生仔海南雞1998 (已結業)

早排已經介紹過呢間海南雞飯，不過果次係堂食，仲要無得試佢地既小食，因為食唔到咁多野呀☹️今次機會嚟啦...飛雲😂外賣返屋企，我可以盡情咁叫🤣🤣🤣天氣凍，再加上車程，返到屋企啲炸物都凍凍地，不過唔緊要，我預咗焗返佢地㗎啦。叫時唔覺，返到嚟打開先發覺叫咗咁多小食，變成小食大拼盤咁🤤🤤🤤炸雲吞蝦、泰式炸蝦餅、網蝦春卷，呢3款真係好好食😋馬拉盞炒通菜其實係好食既，但太辣，我食唔掂😅下次要叫少辣先得😂要推介下個薑蔥無骨海南雞飯，一般啲薑蔥油雞通常都無得輸㗎啦。佢地無得輸之外，特別之處係佢地啲薑，應該係炸過嚟，一條條炸薑絲，又幾好食喎平時係其他地方食既薑係普通無特別處理過既，通常我就唔會食😬但「後生仔」既薑，我會食哂，真係幾好味㗎😂其他食物都ok😋仲有，佢地既服務態度真係好好，上次堂食有個男員工態度好好。今次係一個女員工落單招呼，佢再三叮囑同事執齊我啲外賣，知我住得遠👍🏻👍🏻👍🏻另外有一個長髮男員工，又係超好禮貌，仲幫客人開門關門👍🏻👍🏻👍🏻又💛又靚又好態度既食店食物又平又好味😋值得幫襯完再幫襯再再幫襯👍🏻