髀魔-雞髀第一店 (福民路) (已結業)

難得閒日放假就決定入西貢Hea下，食完一個唔係好飽嘅lunch之後，就梗係掃下街啦。聽說呢間炸雞髀唔錯，就決定去試吓。地點一啲都唔難搵就係巴士站對住巷仔。店內只有外賣，清一色都係炸嘢。嚟到就梗係食最出名嘅黃金魔髀（有兩個size分：巨形和普通），由於啱啱食完lunch嘅關係，我哋兩個都係揀普通size(好彩，因為普通size都好大隻）。雞髀揸得好脆口，上面全部都係鹹蛋黃醬，口感好特別。而且非常多汁，十分好食。不過由於雞髀同鹹蛋黃都係好heavy。最後食唔晒，所以建議如果兩個人嘅話最好要一隻巨型原來share。