影片
更多
2010-10-01
18 瀏覽
星期日, 晚上回到香港, 打點完香港公司的事, 送走老細. 自然要會合內子. 不知為何, 每次我拒絕去Triple O之後, 係尖沙咀的飲食選擇, 逃不開呢一類日式西餐廳. 是日本打算去 The One行下, 但看見成棟野好似未100% ready. 找食嘛, 就過多個街口, 來到美麗華. 日式餐廳最吸引人的地方, 就是放在門口櫥窗的假食物, 或食物照片. 看落 ok, 而且多年前亦食過. Menu上亦有啱齋妹食既野. 就是這樣, 沒有細心選擇下, 二人選了麻布茶房.食日式料理, 齋妹能吃的選擇不多. 而且最容易找到適合素食者的日式食肆, 就是呢一類可以說是不倫不類的日本食店. 首先要安頓好小妮子, 點選了一個蔬菜味噌肉拉麵 (走肉轉清湯), 加一個忌廉芝士西蘭花焗薯蓉. 而我就要了一個自家製焗芝士漢堡配梅子飯.梅子飯, 帶點酸味味的飯. 第一口總有點不慣, 日式的米飯, 總是帶點冷, 撈汁食不錯. 但就咁食一定要加點肉或汁係上面才可.自家製焗芝士漢堡, 芝士味落得好勁, 把成塊漢堡牛扒完完全全的包住哂. 牛肉扒既肉汁, 混醬的添入芝士內. 很是不錯. 日本式既西餐, 總有這樣怪怪的
日式餐廳最吸引人的地方, 就是放在門口櫥窗的假食物, 或食物照片. 看落 ok, 而且多年前亦食過. Menu上亦有啱齋妹食既野. 就是這樣, 沒有細心選擇下, 二人選了麻布茶房.
食日式料理, 齋妹能吃的選擇不多. 而且最容易找到適合素食者的日式食肆, 就是呢一類可以說是不倫不類的日本食店. 首先要安頓好小妮子, 點選了一個蔬菜味噌肉拉麵 (走肉轉清湯), 加一個忌廉芝士西蘭花焗薯蓉. 而我就要了一個自家製焗芝士漢堡配梅子飯.
梅子飯, 帶點酸味味的飯. 第一口總有點不慣, 日式的米飯, 總是帶點冷, 撈汁食不錯. 但就咁食一定要加點肉或汁係上面才可.
自家製焗芝士漢堡, 芝士味落得好勁, 把成塊漢堡牛扒完完全全的包住哂. 牛肉扒既肉汁, 混醬的添入芝士內. 很是不錯. 日本式既西餐, 總有這樣怪怪的心思.
蔬菜味噌肉拉麵 (走肉轉清湯), 問了侍應, 同我地走肉. 廚房收到單, 派人出來, 說把味噌湯再改為清湯. 雖然轉了清湯, 但湯底一樣味道十足. 多了些粟米雜菜, 拉麵也夠韌夠哂爽滑彈牙, 算是唔錯.
忌廉芝士西蘭花焗薯蓉, 芝士味道香, 日本人做的芝士其實比得上歐美入口的芝士, 奶油味道非常重. 芝士焗西蘭花, 出面街大部份菜館也能做得出這樣的菜式. 但好味的要訣就是芝士好不好, 芝士好味自然能夠為呢一道菜增添色彩. 而且配上了薯蓉, 食落口感滑滑的, 不錯.
食物不錯, 服務也算到家, 可是一眼睇得出, 餐廳日久失修, 到處都有冷氣機滴水的痕跡. 而且正是因為有極大的滴水風險, 冷氣不開太大, 人氣一多時, 個冷氣根本唔夠.
張貼
