日航咖啡室 (已結業)

知道呢度有黑松露做主題嘅自助餐又未試過，即刻嚟試食。餐廳設計普普通通，而食物款式少，無咩特別係好，海鮮種類比較少，無蠔無蟹無龍蝦，鵝肝亦只係每位客人一份，但食物質素還可以，中規中矩，甜品款式反而多，仲有Haagen-dazs雪糕任食添，當自己去食甜品buffet。每位客人一份鵝肚，大大件充滿油香，可惜得一件。海鮮款式真係好少，只有蟹腳，青口，翡翠螺，涷蝦，還好全部都可以。大大碟新鮮刺身。各式沙律頭盤。黑松露蒸蛋，淡淡嘅黑松露香，蛋滑嘟嘟，味道唔錯。各類熟食，魚蒸得好滑，好味。甜品款式真係多，賣相亦唔錯，而且好味，回本雪糕有三種味我都食晒，另外仲有自助乳酪機。