影片
更多
2023-06-27
467 瀏覽
🌟餐廳：Greenhouse📍地址：銅鑼灣勿地臣街1號時代廣場食通天10樓1004號舖💰價位：～$100- $200⏰營業時間：星期一至日 11:30 - 22:00📱電話：23834022放左工就約埋朋友仔去時代廣場行下街，順便食埋晚飯先返屋企~朋友仔揀咗呢一間位於時代廣場食通天10樓既「Greenhouse」，餐廳以田園風裝修，空間感十足而且座位寬敞舒適，岩哂我地傾住計慢慢歎dinner~———————————————————🔹布拉塔芝士沙律配無花果及杏仁布拉塔芝士係我既最愛~下層鋪滿火箭菜，混合蕃茄仔及布拉塔芝士，清新又開胃，作為頭盤岩哂~———————————————————🔹香炸蜜糖單骨雞翼即叫即炸熱辣辣香噴噴，單骨雞翼食落夠哂方便，外層灑滿炸蒜粒及搽上蜜糖，好惹味~———————————————————🔹蕃茄芝士羅勒薄餅上菜速度好快~用料充足，芝士份量夠哂澎湃，拉哂絲，薄餅質地香脆帶點煙韌，口感唔錯~———————————————————🔹黑松露意粉賣相精緻~上層鋪滿大量火箭菜，好搶眼~意粉口感彈牙，搭配黑松露及忌廉煮制，味道突出~———————————————————🔹椰
📍地址：銅鑼灣勿地臣街1號時代廣場食通天10樓1004號舖
💰價位：～$100- $200
⏰營業時間：星期一至日 11:30 - 22:00
📱電話：23834022
放左工就約埋朋友仔去時代廣場行下街，順便食埋晚飯先返屋企~
朋友仔揀咗呢一間位於時代廣場食通天10樓既「Greenhouse」，餐廳以田園風裝修，空間感十足而且座位寬敞舒適，岩哂我地傾住計慢慢歎dinner~
———————————————————
🔹布拉塔芝士沙律配無花果及杏仁
布拉塔芝士係我既最愛~下層鋪滿火箭菜，混合蕃茄仔及布拉塔芝士，清新又開胃，作為頭盤岩哂~
———————————————————
🔹香炸蜜糖單骨雞翼
即叫即炸熱辣辣香噴噴，單骨雞翼食落夠哂方便，外層灑滿炸蒜粒及搽上蜜糖，好惹味~
———————————————————
🔹蕃茄芝士羅勒薄餅
上菜速度好快~用料充足，芝士份量夠哂澎湃，拉哂絲，薄餅質地香脆帶點煙韌，口感唔錯~
———————————————————
🔹黑松露意粉
賣相精緻~上層鋪滿大量火箭菜，好搶眼~意粉口感彈牙，搭配黑松露及忌廉煮制，味道突出~
———————————————————
🔹椰子泡沫冰美式
餐廳安排咖啡師調制特色咖啡~呢杯椰子泡沫冰美式，加入椰子肉，令美式咖啡飲落帶點椰子清香~
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳位於銅鑼灣時代廣場，地理位置一流，岩哂行完街醫肚既朋友仔~
食物方面，提供多國西式菜式，選擇繁多，半開放式廚房透明度十足，傳來陣陣香氣，令人更期待各種菜式~
張貼
