金船長餐廳 (已結業)

見到唔少人推介呢間餐廳，所以特登同朋友嚟試下。餐廳比較幽暗，幾有情調。個個都試呢到既黑松露比薩，我地都點左一份，上菜上得好快，我自己本身唔係特別好比薩，但與其話係比薩，佢比較似多士，外脆內軟，黑松露陣味好香，加埋面層既芝士粉，簡直一流。侍應好專業咁介紹左三種食法，可以加新鮮啜取既提子汁或雜菜，自己就最中意三者加埋，食落完全唔漏，真心推介！叫得金船長，我認為佢嘅海鮮前菜同主食比較出色，個海鮮雜果沙律係我見過最多海鮮，物超所值，芝士焗田螺味道都唔錯。食完一大輪都唔濟，所以我地點左幾樣甜品，最值得推介係個心太軟，甜度岩岩好，加埋雪糕，好好味。整體都好唔錯，一定會再去食！✌🏼