影片
更多
2017-12-01
54 瀏覽
睇openrice搵好嘢食，見到「金船長餐廳」係今年最優秀開飯熱店，超過400個好評😵 決定要試下～ 餐廳位置大角咀，氣氛唔錯，幾有情調，店員服務態度好好，並推介店裡的得奬菜式～黑松露菌醬意式馬斯卡普芝士夾心比薩$108店員好細心介紹，有三種食法～1. 純粹感受黑松露及芝士的清香，入口外脆內軟～ 2. 配合自家製提子果醋享用3. 加上有機沙拉菜和自家製提子果醋享用我覺得等一個食法最好味☺️ 黑松露同芝士的味道平衡得好好，好香濃，而且外脆內軟的口感好好，唔加任何東西都已經非常好味～ 而友人就覺得加提子果醋更好味，一款菜式可以滿足不同人的口味，果然係得獎菜式👍🏻 餐湯今晚係牛尾湯，質感好濃厚，唔會太鹹，餐包係蒜蓉多士，好香脆～法式焗田螺配法式多士 $68田螺用牛油焗，充滿牛油香，田螺都幾鮮甜，配法式多士一齊食，味道唔錯～美國特級肉眼牛扒（12安士）$298嘩！好大塊啊！果然係足12安士，而且賣相幾特別，設計到帆船咁樣，配合返餐廳主題，其實係一塊多士，幾香脆～ 牛扒我哋揀咗五成熟，切開見到粉嫩肉，係嘅粉紅色，有肉汁，肉質鮮嫩，好林，一啲都唔靭，肉味濃～ 我哋揀咗蒜蓉汁，都好香，同牛扒好配合～
黑松露菌醬意式馬斯卡普芝士夾心比薩$108
店員好細心介紹，有三種食法～
1. 純粹感受黑松露及芝士的清香，入口外脆內軟～
2. 配合自家製提子果醋享用
3. 加上有機沙拉菜和自家製提子果醋享用
我覺得等一個食法最好味☺️ 黑松露同芝士的味道平衡得好好，好香濃，而且外脆內軟的口感好好，唔加任何東西都已經非常好味～ 而友人就覺得加提子果醋更好味，一款菜式可以滿足不同人的口味，果然係得獎菜式👍🏻
餐湯今晚係牛尾湯，質感好濃厚，唔會太鹹，餐包係蒜蓉多士，好香脆～
法式焗田螺配法式多士 $68
田螺用牛油焗，充滿牛油香，田螺都幾鮮甜，配法式多士一齊食，味道唔錯～
美國特級肉眼牛扒（12安士）$298
嘩！好大塊啊！果然係足12安士，而且賣相幾特別，設計到帆船咁樣，配合返餐廳主題，其實係一塊多士，幾香脆～ 牛扒我哋揀咗五成熟，切開見到粉嫩肉，係嘅粉紅色，有肉汁，肉質鮮嫩，好林，一啲都唔靭，肉味濃～ 我哋揀咗蒜蓉汁，都好香，同牛扒好配合～ 我哋兩個人share先食得晒，不過都唔覺得好膩～ 我哋揀咗炸薯圈，香脆好味～ 旁邊嘅配菜有矮瓜、南瓜、翠玉瓜，都燒得唔錯，清新好味～
炸軟殼蟹南瓜意大利飯 $148
賣相唔錯，有好幾件軟殼蟹，香脆可口～ 意大利飯金黃色，好靚～ 意大利飯比較硬身，跟足傳統嘅煮法，唔同其他餐廳煮得比較偏腍，都幾正宗～ 整體份量算多，適合朋友share～
飲品方面，我哋揀咗宇治抹茶紅豆奶昔，同加州牛油果沙冰～ 宇治抹茶紅豆奶昔有淡淡的抹茶清香，配甜甜嘅紅豆幾襯～ 牛油果沙冰則非常濃郁，真材實料～
甜品方面，我哋揀咗金船長梳乎厘同心太軟朱古力布甸～ 金船長梳乎厘好靚，好大件，焗得好高，好鬆軟～ 外皮金黃色，裏面軟綿綿，好正👍🏻 而心太軟非常流心，熱辣辣新鮮焗，配雪糕好正，味道好好～
非常飽，非常滿足的一餐，餐廳服務好好，店員好細心，環境情調都唔錯，價錢合理，值得一試～
張貼
