麵屋武藏 武骨 (The LOHAS康城) (已結業)

四年五年前喺坑口試過佢哋嘅試過佢哋嘅湯拉麵，覺得真係唔係咁好食，之後從來再冇去過幫襯。過咗咁多年之後，喺康城又見到佢哋嘅分店，心血來潮，就行入去試吓。湯拉麵嘅陰影仲喺度，所以今次就試吓點沾麵。佢哋個炒飯好有鑊氣，不過就係淡味啲。炒飯之後就到我哋嘅沾面啦。今次點左個白武骨沾麵同黑武骨沾麵。白武骨沾麵味道合格，但就真係好普通，雖然話係豬骨湯，但豬骨味唔係咁出，豉油同麵豉味多啲。黑武骨沾麵就比較出色，有一種好特別嘅黑蒜蓉味。食落唔會好鹹好heavy。佢嗰兩片叉燒都唔錯，沾咗啲麵汁之後都幾好味，好軟。半隻嘅半熟蛋都做得唔錯，但冬天食就覺得佢有啲凍，都係要沾沾啲麵汁比較好。個炸雞都唔錯，入面啲肉都juicy，但有啲死咸嘅感覺，好在有啲沙律醬搭救下。價錢唔係特別貴，可以接受。總括來說，都係沾面有保證啲。喺我有勇氣再試湯拉麵之前，我會在嚟食沾麵。