珍煮丹 (已結業)

平時放假都會嚟葵涌廣場度掃街，今日竟然比我見到原來開咗珍煮丹！已經想試左好耐啦，但每次都夾唔啱時間，今日終於可以飲，真係好開心😍Menu上面嘅選擇唔算好多，但全部都十分吸引，花多眼亂嘅情況底下，我同男朋友就決定嗌店舖嘅推薦飲品算喇😂-黑糖珍珠厚鮮奶其他店嘅黑糖飲品通常係固定甜度，但珍煮丹嘅黑糖飲品原來係可以自選甜度架！男朋友嗌左少甜、少冰，加埋黑糖飲落唔會過甜，再加埋厚鮮奶，口感香滑又有質感，好creamy! 珍珠細細粒、軟硬度適中、咬落煙韌，配搭好好！-奧利珍頭先講到黑糖飲品可以自選甜度，反而呢杯奧利珍就係固定甜度嘅。賣相同menu唔同，不過唔緊要啦，最緊要味道好姐😂入面有Oreo碎粒、黑糖奶蓋同埋黑糖珍珠，最特別係有成塊Oreo，店員提醒我哋要先攪勻曲奇碎再一次過飲，口感豐富，好好飲！好似飲緊一杯cookies and cream落肚咁！