花斑茶社 (樂道)

營業中

休息中

今日係尖咀isquare食完午飯，搵搵附近有冇珍珠奶茶，就搵到呢間花斑茶社。本身都諗住搵下小店唔搵大brand試新野，見有數個好評就試一試。叫左一杯黑糖珍珠烏龍奶茶微糖少冰。先講茶底，烏龍茶陣味唔似平時飲開嘅味，飲落我係覺得有啲人工化嘅感覺，我知烏龍茶有好多品種我亦唔係expert，但呢杯絕對唔係我杯茶。我係覺得唔好飲好怪。講珍珠，佢話係黑糖珍珠，我真係唔太覺有黑糖味。基本上喺香港而家賣緊黑糖珍珠嘅大brand我都飲過，呢個珍珠相對之下真係無黑糖味。再比較唔標榜用黑糖珍珠嘅其他茶舖，佢都唔及格。我一食落口得浸糖味亦唔係特別煙靭，真係食到皺晒眉。杯野茶底怪黑糖珍珠無黑糖味又有假糖味，sorry真係唔及格。同行有兩位友人叫烏龍奶茶同黑糖珍珠抺茶鮮奶，佢地都對烏龍茶底同黑糖珍珠有同樣唔好嘅評價。但佢外觀同包裝係整得唔錯，亦鼓勵客人用環保飲管，呢幾點係值得讚。