李圓圓 (庇利金街) (已結業)

雖然已經踏入咗中秋，但香港仍然好似個沙漠咁熱，加上因為疫情成日要戴住口罩，今日行行吓有少少缺水中暑嘅感覺，於是就買番杯珍珠奶茶叉叉電。李圓圓嘅黑糖珍珠出晒名，所以佢嘅招牌飲品都一定係有黑糖珍珠。未試過嘅朋友可以參考佢嘅五大推介。李圓圓嘅黑糖珍珠係即場用個大鍋煮嘅，所以就算你叫嘅係凍飲，佢嘅珍珠都一定係暖暖哋，店內亦有告示牌，教人正確享受李圓圓嘅方法。我始終都係鍾情於台式嘅冬瓜茶，所以我今日就叫咗一杯黑糖珍珠冬瓜鮮奶，配合埋李圓圓嘅黑糖珍珠，非常Q彈有口感，簡直就係沙漠中的甘露，絕配！