南小館 (已結業)

第一次同朋友去呢間餐廳食晚飯，由門口接待果位女仕同埋著黑衫黑褲果位肥肥地既職員都係黑口黑面、毫無表情，基本一句歡迎光臨同多謝惠顧都冇講過，尤其是黑衫黑褲果個肥仔職員最厲害，同佢揮手示意落單，佢就一手攞左寫好既單走左去，完全唔駛同個客人對一對落左單既食物有冇問題，到埋單簽卡，問佢有冇牙簽，佢都係保持緘默，隨手俾幾支牙簽出黎，就即刻走左去，已經為顧客留低極之唔好既印象。至於食物方面，擔擔麵一般水準，小食併盤其中一樣叫青瓜，就俾左涼拌彩絲，花雕白雞冇咩肉兼冇酒味，豬手味道夠但好少好細舊，鍋貼幾好食，野飲都可以既。可能下次有機會再去食既話，要蒙住眼唔好見到侍應個樣，就可以食得更開心😃