蔦 (已結業)

一間拉麵店好少會得到米芝蓮嘅垂青，所以一直都好想嚟呢間米芝蓮拉麵試下。咁啱佢而家做緊優惠 ，終於有機會啦今次。我嗌咗黑醬味玉叉燒拉麵，黑醬我諗即係黑蒜油啦。個湯飲落去其實個黑蒜味唔係好出，有一種淡淡嘅豬骨味，畀我嘅感覺係佢唔太鹹，但係飲落去好濃，亦都好油。老實講我唔太鍾意個湯。麵質嚟講，因為佢係幼面，所以相對哋冇咁彈牙。叉燒佢就有四塊，分量好足，而且唔太肥，係我鍾意嗰隻。值得一讚嘅係佢嘅溏心蛋，好少香港嘅拉麵店會做到好似日本嗰隻咁，依間拉麵店就做到啦，值得一讚。