影片
更多
2021-07-01
1908 瀏覽
今朝搭緊地鐵，返緊工，黑雨。公司話唔使返住先，等黑雨完咗再返。我望下線路圖，喺黃大仙落咗，搭返去九龍塘，喺又一城行行企企，坐下 Starbucks ，睇下雨，打發咗一朝。到十一點零，冇黑雨嘞，公司就話下晝返。咪喺度食埋先囉。呢間 Cova ，出面睇就好奢華嘅，其實只係啲燈光黃啲啫。坐低都會問飲啲咩啊，要唔要啲果汁咁。我話水，又一時口快講咗 sparkling。其實暖水最好：黑雨天，冷氣係咁吹，我都打曬冷震，飲唔到幾啖，咁又搣多一百。麵包只係普通白麵包，入口成糊，黐曬牙。是日餐湯喺小雲吞牛肉清湯。佢哋嘅匙羹磨花咗少少。一轉頭，見到一位政治人物，都食緊嘢。龍蝦麵，有一隻鉗，計埋啲粒粒，應該擺咗半隻落去嘅。冇咩問題，幾好食。最後五百零幾。就係嗌多咗支水。食埋，就好去返工啦。
呢間 Cova ，出面睇就好奢華嘅，其實只係啲燈光黃啲啫。坐低都會問飲啲咩啊，要唔要啲果汁咁。我話水，又一時口快講咗 sparkling。其實暖水最好：黑雨天，冷氣係咁吹，我都打曬冷震，飲唔到幾啖，咁又搣多一百。
麵包只係普通白麵包，入口成糊，黐曬牙。是日餐湯喺小雲吞牛肉清湯。佢哋嘅匙羹磨花咗少少。
一轉頭，見到一位政治人物，都食緊嘢。
龍蝦麵，有一隻鉗，計埋啲粒粒，應該擺咗半隻落去嘅。冇咩問題，幾好食。
最後五百零幾。就係嗌多咗支水。食埋，就好去返工啦。
張貼