多寶美食 (已結業)

肥鄧較腳後, 大聲同串爆感覺依然係意猶未盡, 於是就提議下邊小食, 特別係呢區好多人讚嘅炸大腸, 當一講到炸大腸時, 串爆兩眼直頭發晒光, 咁即係非去不可, 於是就繼續帶隊!呢間食店前後已經黎過好多次, 不過就係未食過炸大腸, 既然是次有大聲和串爆同行, 壯大左個膽, 所以當然要試一串炸大腸, 至於其他小食大聲亦絕不手軟, 一口氣柯打左燒賣, 牛柏業同墨魚, 前後四款小食, 實行黎個黑食會之掃街!講真燒賣, 牛柏業同墨魚前後已經食左好多次, 所以是次冇食到亦冇打算講評, 唯一想講就係炸大腸, 原來呢度係將成條未切嘅大腸攞去炸, 絕對唔係切左先炸, 基本上亦係邊炸邊賣, 所以大腸唔會炸到燶, 亦因為呢度嘅炸大腸好受歡迎, 所以貨亦去得好快! 當柯打時先將大腸切成五件, 吉埋一串! 由於係人生第一次食街頭炸大腸, 所以亦懷著戰戰兢兢的心情, 當放入口時, 發覺大腸外層炸得好脆口, 真係卜卜聲, 勁討好, 不過內裡就略韌, 要用更多時間去咬, 呢種感覺就唔太鍾意, 不過亦唔反感, 就連大聲同串爆亦覺得掂, 所以真係值得一試!總括黎講炸大腸嘅水準真的不俗, 冇咩環境可言, 皆因坐街邊, 不過有